World Malayalee Fedaration ന്‌, പ്രവാസി മലയാളി സംഗമത്തിന്റെ ആദരം.
WMF ന്‌, പ്രവാസി മലയാളി സംഗമത്തിന്റെ ആദരം.
പ്രവാസി മലയാളി ഫോറത്തിന്റെ ആഭിമുഖ്യത്തില്‍ കൊച്ചിയില്‍ നടന്ന പ്രവാസി മലയാളി സംഗമത്തില്‍ അന്‍പതിലധികം രാജ്യങ്ങളിലെ പ്രവാസികള്‍ ഒത്തുചേര്‍ന്നു. കൊച്ചി നെടുമ്പാശേരി എയര്‍പോര്‍ട്ടിന് സമീപമുള്ള സാജ് എര്‍ത്ത് റിസോര്‍ട്ടില്‍ നടന്ന സമ്മേളനത്തില്‍ കേരളത്തിന്റെ ജല വിഭവ വകുപ്പ് മന്ത്രി റോഷി അഗസ്റ്റിന് ഉഗ്മയുടെ മിനിസ്റ്റര്‍ ഓഫ് എക്‌സലന്‍സ് അവാര്‍ഡ് സമ്മാനിക്കപ്പെട്ടു. ഹൈക്കോടതി ജസ്റ്റിസ് പി.വി കുഞ്ഞികൃഷ്ണന്‍ ആണ് പുരസ്‌കാരം നല്‍കിയത്.
കഴിഞ്ഞ നാല് വര്‍ഷം കേരളത്തിലെ കോവിഡ്-വെള്ളപ്പൊക്ക ദുരിതാശ്വാസ പ്രവര്‍ത്തനങ്ങളിലും ജീവകാരുണ്യ രംഗത്തും സാമ്പത്തിക സഹായങ്ങളും ജീവല്‍ രക്ഷാ ഉപകരണങ്ങളും നല്‍കി സജീവ സാന്നിധ്യമറിയിച്ച വേൾഡ് മലയാളീ ഫെഡറേഷനു 'പ്രവാസി ഹുമാനിറ്റേറിയന്‍ 2022 അവാര്‍ഡ്' നല്‍കി അദരിക്കുകയുണ്ടായി. വേള്‍ഡ് മലയാളി ഫെഡറേഷൻ ഗ്ലോബൽ ജോയിന്റ് സെക്രട്ടറി ടോം ജേക്കബ്ബ് ,ഡയറക്ടർ ബോർഡ്‌ അംഗം സുനിൽ എസ്.എസ് എന്നിവർ പ്രവാസി ഹുമാനിറ്റേറിയന്‍ 2022 അവാര്‍ഡു ഏറ്റുവാങ്ങി.
പ്രവാസി കോണ്‍ക്ലേവ് ട്രസ്റ്റി ചെയര്‍മാന്‍ അലക്‌സ് കോശി വിളനിലം, ഫൊക്കാനയുടെ മുന്‍ പ്രസിഡന്റ് പോള്‍ കറുകപ്പള്ളി, ഹരി നമ്പൂതിരി( Global Indian News paper'), ഗ്ലോബല്‍ മലയാളി കൗണ്‍സില്‍ ചെയര്‍മാന്‍ വര്‍ഗീസ് മൂലന്‍, തിരുവല്ല പ്രവാസി അസോസിയേഷന്റെ സാരഥി കുര്യന്‍ ചെറിയാന്‍, യൂണിയന്‍ ഓഫ് ജര്‍മന്‍ മലയാളി അസോസിയേഷന്റെ (ഉഗ്മ) പ്രസിഡന്റ് എബ്രഹാം ജോണ്‍ , ഫൊക്കാന പ്രസിഡന്റ് ബാബു സ്റ്റീഫന്‍, വൈസ് പ്രസിഡന്റ് കലാ സാഹി എന്നിവരും അവാര്‍ഡ് ജേതാക്കളും തദവസരത്തില്‍ ആശംസകള്‍ നേര്‍ന്ന് സംസാരിച്ചു.WMF ഗ്ളോബൽ ചാരിറ്റി കോഡിനേറ്റർ റഫീക് മരക്കാർ, കേരള സ്റ്റേറ്റ് പ്രസിഡന്റ് T B നാസർ ഉള്‍പ്പടെ ഉള്ള നേതാക്കളും ചടങ്ങില്‍ പങ്കെടുത്തു.
കഴിഞ്ഞ രണ്ട് വെള്ളപ്പൊക്ക സമയത്തും, കോവിഡ് മഹാമാരിയുടെ സമയത്തും ലോകത്തിന്റെ വിവിധ ഭാഗങ്ങളിലെ പ്രവാസികള്‍ എല്ലാം ഒരേ മനസ്സോടെ കേരളത്തിന്റെ ദുരിതാശ്വാസ പ്രവര്‍ത്തനങ്ങളില്‍ സജീവമായി പ്രവര്‍ത്തിച്ചിരുന്നു. അവരെയെല്ലാമാണ് ഒരു കുടക്കീഴില്‍ അണിനിരത്തുകയും 'ഹ്യുമാനിറ്റേറിയന്‍' അവാര്‍ഡ് നല്‍കി ആദരിച്ചതും. കേരളത്തില്‍ പ്രവാസികളെ ഇത്തരത്തില്‍ ആദരിക്കുന്ന പ്രഥമ പരിപാടി കൂടിയായിരുന്നു സുനു എബ്രഹാം സംഘാടകനായ പ്രവാസി മലയാളി ഫോറം സംഘടിപ്പിച്ചത്.
Become a WMF Member and be part of world's largest malayalee network. Feel proud to get membership
We’ve come a long way together. Our supporters made everything possible. Membership is the best way to protect what we’ve achieved together and keep our progress going. WMF started it, now be part of it!